2025 жылғы 11 қарашада Ақтау қаласында "Bilimdi Keleshek-II" халықаралық жоғары білім көрмесі өтті. Көрмені "Жастар саясатын қолдау орталығы" ұйымдастырды. Іс-шараға Халықаралық инженерлік-технологиялық университеті METU қатысып, талапкерлерге білім беру бағдарламаларын таныстырды.

METU өкілдері Ақтау қаласының мектеп және колледж студенттеріне кеңес беріп, университеттің артықшылықтары, халықаралық серіктестіктері, қабылдау талаптары, академиялық ұтқырлық мүмкіндіктері және түлектердің кәсіби даму перспективалары туралы ақпарат ұсынды.

Көрмеге қатысу METU университетіне өңірдегі білім беру ұйымдарымен ынтымақтастықты нығайтуға және талапкерлерге заманауи инженерлік-технологиялық мамандықтар туралы жан-жақты ақпарат беруге мүмкіндік берді.

Автор: Мусақызы Ж.