МИТУ-дың «Экономика және бизнес» кафедрасы ACCA халықаралық білім беру бағдарламалары орталығымен бірлесіп Халықаралық қаржы корпорациясының (IFC) сарапшысы Бунёд Раматовтың шеберлік сабағын және ACCA өкілі Әсел Шкубаровамен кездесу ұйымдастырды.

Іс-шараға «Қаржы» және «Есеп және аудит» білім беру бағдарламаларының студенттері қатысты. Студенттер алдында қаржыны басқару саласындағы IFC сарапшысы, ACCA біліктілігінің иегері, қаржы саласында 25 жылдан астам тәжірибесі бар Бунёд Раматов сөз сөйледі. Ол әртүрлі кезеңдерде Deloitte, BASF Central Asia, Philip Morris Kazakhstan компанияларында жұмыс істеген, сондай-ақ қаржы директоры қызметін атқарған және IFC кеңесшісі болған. Спикер өз тәжірибесімен бөлісіп, ACCA біліктілігінің халықаралық мансап құрудағы маңыздылығын атап өтті.

Сонымен қатар, ACCA-ның білім беру саласындағы байланыстарды дамыту менеджері Әсел Шкубарова сөз сөйледі. Ол ACCA мен МИТУ арасындағы ынтымақтастықтың маңызын атап өтіп, халықаралық кәсіби біліктіліктердің бәсекеге қабілетті мамандарды даярлаудағы рөлін ерекше атап өтті.

Іс-шара студенттер тарапынан үлкен қызығушылық тудырып, МИТУ-дың халықаралық білім беру мүмкіндіктерін кеңейтуге маңызды үлес қосты.