Халықаралық инженерлік-технологиялық университет METU 19–21 қараша 2025 жылы өткен «Білім және Мамандық» Қазақстан халықаралық көрмесіне қатысты.

Көрме болашақ студенттер, жас мамандар, педагогтар және білім беру мен кәсіби дамуға қызығушылық танытқан барлық қатысушылар үшін маңызды алаң болды. Шара барысында METU университеті өз оқу бағдарламаларын, білім беру бағыттарын, халықаралық жобаларын және университетте оқудың артықшылықтарын таныстырды.

METU өкілдері мектеп оқушыларына, колледж студенттері мен ата-аналарға кеңес беріп, қабылдау тәртібі, оқу шарттары, халықаралық ынтымақтастық мүмкіндіктері және кәсіби даму перспективалары туралы ақпарат ұсынды. Қатысушылар инженерлік, технологиялық және IT бағыттарына жоғары қызығушылық білдірді.

Көрмеге қатысу университетке талапкерлермен өзара байланысты нығайтуға, серіктестік қатынастарды кеңейтуге және заманауи инженерлік-технологиялық жоғары оқу орны ретіндегі беделін арттыруға мүмкіндік берді.

Автор: Мусақызы Ж.