Бүгін Алматы қаласында METU университетінің маңызды дәстүріне айналған IV Халықаралық «Hiring & Innovation Forum METU» форумы өтті.

Білім беру, ғылым, бизнес және мемлекет салалары өзара тығыз байланысқа түсіп, жасанды интеллект дамудың негізгі драйверіне айналған кезеңде Hiring & Innovation Forum METU сияқты алаңдардың маңызы ерекше арта түседі.

Форумға 70-тен астам жұмыс беруші мен серіктес қатысты. Қатысушылар студенттік инновациялар көрмесін және жаңа AI METU HUB жасанды интеллект орталығының таныстырылымын тамашалады.

Форумға «Экономика және бизнес» кафедрасы айрықша белсенді қатысты. Кафедра студенттері өз жобаларын ұсынып, жұмыс берушілердің қызығушылығын тудырып, өндірістік практикадан өту және болашақта жұмысқа орналасу жөнінде ұсыныстар алды. Олардың бастамалары академиялық білімнің нақты тәжірибелік шешімдерге айналатынын көрсетті.

Форум технологиялар, бизнес және білім беру арасындағы синергия Қазақстанның бәсекеге қабілетті инженерлік және экономикалық кадрларын даярлауда шешуші рөл атқаратынын тағы бір мәрте дәлелдеді.