Халықаралық инженерлік-технологиялық университеті (METU) мен Қытай Халық Республикасының Цзянсу политехникалық институты (Lixiang) академиялық, ғылыми және инновациялық бағыттардағы серіктестікті нығайтуға бағытталған өзара ынтымақтастық туралы меморандумға қол қойды.

Меморандумның негізгі мақсаты — халықаралық әріптестікті дамыту, бірлескен білім беру бағдарламаларын іске асыру, академиялық ұтқырлықты кеңейту, студенттер мен оқытушылар алмасуын жолға қою, сондай-ақ инженерия, жоғары технологиялар және инновациялар салаларындағы ортақ ғылыми жобаларды жүзеге асыру.

Ресми қол қою рәсіміне Цзянсу политехникалық институтынан жоғары деңгейдегі делегация қатысты:

• Цзя Шилинь — партия бөлімінің басшысы

• Цинь Хэнфэй — ғылым және технология басқармасының директоры

• Ни Чжан — Автомобиль және көлік инженериясы институты директорының орынбасары

• Чжан Ян — Халықаралық білім беру институты директорының орынбасары

Кездесу барысында тараптар бірлескен бағдарламаларды дамыту, инженерлік білім сапасын арттыру, халықаралық ғылыми жобаларды іске қосу және академиялық серіктестікті кеңейту мәселелерін талқылады. Сонымен қатар инновациялар, цифрлық технологиялар және заманауи инженерлік дайындық бағыттары бойынша тәжірибе алмасуға ерекше назар аударылды.

Меморандумға қол қою Қазақстан мен Қытай арасындағы жоғары білім беру саласындағы ынтымақтастықтың жаңа кезеңін білдіреді. Бұл келісім METU-дың халықаралық академиялық кеңістіктегі орнын нығайтып, бірлескен бастамаларды жүзеге асыруға және ұзақ мерзімді серіктестікті дамытуға кең мүмкіндіктер ашады.