Халықаралық инженерлік-технологиялық университетінде Халықаралық ынтымақтастық департаменті 2 және 3 курс студенттеріне арналған ақпараттық жиналыс өткізді. Іс-шара академиялық ұтқырлық мәселелеріне және шетелдік серіктес жоғары оқу орындарында білім алу мүмкіндіктеріне арналды.

Кездесу барысында академиялық ұтқырлық бағдарламаларына қатысу үшін құжаттарды қабылдаудың басталғаны хабарланды. Студенттерге үміткерлерге қойылатын негізгі талаптар, іріктеу кезеңдері, құжат тапсыру мерзімдері, сондай-ақ қолданыстағы жоғары оқу орындары арасындағы келісімдер аясында шетелде білім алудың ерекшеліктері түсіндірілді.

Жиналыс барысында негізгі ақпаратпен METU Халықаралық ынтымақтастық департаментінің директоры Шохаева Карлыгаш Нұрланқызы таныстырды. Ол өз сөзінде шетелдік серіктес университеттер туралы баяндап, академиялық ұтқырлықтың қазіргі кезеңдегі өзекті бағыттарын атап өтті. Атап айтқанда, Англия, Франция, Бельгия, Түркия, Ресей және Қырғызстан елдерінің серіктес университеттері МИТУ студенттерін көктемгі семестрде қабылдауға дайын екені айтылды.

Сонымен қатар, іс-шара аясында алдыңғы жылдары академиялық ұтқырлық бағдарламаларына қатысқан студенттер сөз сөйледі. Өздерінің шетелде оқу тәжірибесімен «ТТиПП» білім беру бағдарламасының 4 курс студенттері Мадина мен Сара бөлісті. Олар өткен жылы Түркияның Испарта қаласындағы SDU университетінде (Süleyman Demirel University) бір семестр білім алып, оқу үдерісі, тұру жағдайлары, жаңа білім беру және мәдени ортаға бейімделу ерекшеліктері туралы айтып берді, сондай-ақ академиялық ұтқырлық бағдарламаларына қатысуға қызығушылық танытқан студенттердің сұрақтарына жауап берді.

Кездесу барысында академиялық бейімделу, кредиттерді тану, ұйымдастырушылық мәселелер және халықаралық білім беру тәжірибесінің артықшылықтары ерекше назарға алынды.

Осындай жиналыстар өткізу студенттердің ақпараттану деңгейін арттыруға, халықаралық белсенділікті дамытуға және академиялық ұтқырлық бағдарламаларына қатысуға ынталандыруға ықпал етеді. МИТУ Халықаралық ынтымақтастық департаменті білім алушылардың академиялық ұтқырлығын дамыту және халықаралық ынтымақтастықты кеңейту бағытында жүйелі жұмысты жалғастыруда.