Халықаралық инженерлік-технологиялық университеті (МИТУ) 22–23 желтоқсан 2025 жылы Ташкент қолданбалы ғылымдар университетімен бірлесе (Өзбекстан Республикасы) өткен «Development of Science: Challenges, Solutions, and Future Prospects» атты Үшінші дәстүрлі халықаралық ғылыми-практикалық конференциясын өткізді.

Конференция әртүрлі елдердің ғылыми және білім беру қауымдастығының өкілдерін біріктіріп, ғылымды дамыту, инновациялар, цифрлық технологиялар, жасанды интеллект, сондай-ақ білім беруді жаңғырту және пәнаралық өзара ықпалдастықтың өзекті мәселелеріне арналды.

Пленарлық отырыс аясында Халықаралық инженерлік-технологиялық университеті атынан Куатова Мөлдір Жангелдіқызы, МИТУ-дың ғылыми-инновациялық қызмет департаментінің директоры, Қазақстан Республикасының Ұлттық инженерлік академиясының корреспондент-мүшесі, құттықтау сөзін сөйледі.

Өз сөзінде ол халықаралық ғылыми ынтымақтастықтың маңыздылығын, ғылымның тек жаңа білім көзі ғана емес, сонымен қатар оны практикалық қолдану, технологиялар трансфері және болашақ экономикасы үшін бәсекеге қабілетті кадрларды даярлаудың негізі ретіндегі рөлін атап өтті. Сондай-ақ жас зерттеушілерді қолдау мен бірлескен ғылыми және білім беру бастамаларын дамытуға ерекше назар аударылды.

Аталған конференцияны ұйымдастыруға МИТУ-дың қатысуы университеттің халықаралық академиялық серіктестікті дамытуға, ғылыми байланыстарды нығайтуға және инновациялық күн тәртібін халықаралық деңгейде ілгерілетуге бағытталған белсенді ұстанымын растайды.