2026 жылғы 12–17 қаңтар аралығында Қысқы мектеп–2026 аясында «Жоғары білімде цифрландыру және жасанды интеллект: сапа және оқытушының жаңа рөлі» тақырыбында оқу-әдістемелік конференция өткізілді. Конференцияға «Әлеуметтік-гуманитарлық пәндер және әлем тілдері» кафедрасының оқытушылары белсенді қатысты.

Іс-шара барысында тілдер мен әлеуметтік-гуманитарлық пәндерді оқытуда жасанды интеллектті қолдануға арналған ғылыми-әдістемелік докладтар ұсынылды.

Конференция шеңберінде келесі ғылыми-әдістемелік баяндамалар жасалды:

• Жаппасов Жарылқасын Еркинұлы, тарих ғылымдарының кандидаты, қауымдастырылған профессор, кафедра меңгерушісі — «Генеративті ЖИ модельдері негізінде тілдер мен әлеуметтік-гуманитарлық пәндерді  бейімделмелі оқыту әдістемесі».
• Айткулова Куралай Оңғарқызы, педагогика ғылымдарының магистрі, лектор — Шетел тілін оқытудың инновациялық әдістері мен формалары».
• Нурмолдаев Дарын Муратұлы, педагогика ғылымдарының магистрі, лектор — «Жасанды интеллект – орыс тілін оқытудың  бейімделмелі моделінің негізі».
• Тебегенова Алтынарай Темірханқызы, филология ғылымдарының кандидаты, PhD, қауымдастырылған профессор — «Қазақ тілі сабақтарында жасанды интеллект технологиясын қолданудың тиімділігі».
• Шаймуханова Сауле Дюсетаевна, тарих ғылымдарының кандидаты, қауымдастырылған профессор — «Жасанды интеллект – әлеуметтік-гуманитарлық пәндер оқытушысының құралы ретінде».
• Олжашов Айдын Айдарұлы, философия ғылымдарының магистрі, оқытушы — ««Философия» курсында жасанды интеллект технологияларын қолдану».

Конференция қорытындысы бойынша қатысушылар жасанды интеллекттің білім сапасын арттырудағы, оқытуды дараландырудағы әлеуетін, сондай-ақ оқытушылардың цифрлық компетенцияларын дамыту қажеттілігін атап өтті. Іс-шара ғылыми-әдістемелік тәжірибе алмасуға және университеттің білім беру процесінде цифрлық технологияларды одан әрі енгізу перспективаларын талқылауға мүмкіндік берді.