METU университетінде Жастар саясаты департаментінің мамандары мен профессор-оқытушылар құрамы студенттік жатақханаларға жоспарлы тексеру жүргізді.

Іс-шараның негізгі мақсаты — студенттердің тұрмыс жағдайын бақылау, ішкі тәртіп ережелерінің сақталуын қадағалау, сондай-ақ студенттерге кеңес беру және түсіндіру жұмыстарын жүргізу. Тексеру барысында университет өкілдері студенттермен кездесіп, олардың ұсыныс-пікірлерін тыңдап, тұрмыстық, қауіпсіздік және оқу үдерісіне қатысты мәселелер бойынша қажетті түсіндірмелер берді.

Сонымен қатар жатақханаларда тәртіптің, санитарлық талаптардың және бірлесіп тұру ережелерінің сақталуына ерекше назар аударылды. Студенттерге ортақ мүлікке ұқыпты қарау, тазалықты сақтау және өзара сыйластық мәдениетін ұстанудың маңыздылығы ескертілді.

Мұндай жоспарлы тексерулер студенттер үшін жайлы әрі қауіпсіз орта қалыптастыруға, тәртіпті нығайтуға және студенттік өмір сапасын арттыруға ықпал етеді. METU әкімшілігі студенттердің оқуына және тұруына қолайлы жағдай жасауға бағытталған жүйелі жұмыстарды жалғастыруда.