Халықаралық инженерлік-технологиялық университетінде көктемгі семестрде шетелдік жоғары оқу орындарында білім алуға аттанар алдында академиялық ұтқырлық бағдарламасына қатысушы студенттердің жиналысы өтті.
Жиналыс барысында Халықаралық ынтымақтастық департаментінің директоры Шохаева Карлыгаш Нурлановна студенттерге сәтті оқу, жақсы нәтижелер, жаңа білім мен пайдалы халықаралық тәжірибе тілеп, университетті шетелде лайықты таныстырудың маңыздылығын атап өтті.

Ағымдағы көктемгі семестрде METU университетінің барлық білім беру бағдарламаларын қамтитын 70 студенті академиялық ұтқырлық бағдарламасына қатысуда. Барлық білім алушылар шетелдік серіктес жоғары оқу орындарынан ресми шақырту хаттарын алды және ертеңнен бастап қабылдаушы университеттерде оқуын бастау үшін жолға шығады.

Кездесу барысында академиялық бейімделу мәселелері, шетелдік университеттердегі оқу үдерісінің ерекшеліктері, сондай-ақ шетелде болудың ұйымдастырушылық және әкімшілік аспектілері талқыланды. Студенттерге халықаралық білім беру ортасына сәтті бейімделу, академиялық талаптарды сақтау және университеттің абыройын лайықты түрде таныстыру бойынша ұсынымдар берілді.

Көктемгі семестрде METU студенттері төмендегі шетелдік серіктес университеттерде білім алатын болады:

• Jiangsu University of Science and Technology (Қытай);

• Muğla Sıtkı Koçman University (Түркия);

• Kastamonu University (Түркия);

• Baku State University (Әзербайжан);

• Астрахань мемлекеттік техникалық университеті (Ресей Федерациясы);

• Мухаммад ал-Хоразми атындағы Ташкент ақпараттық технологиялар университеті (Өзбекстан Республикасы);

• И. Раззаков атындағы Қырғыз мемлекеттік техникалық университеті (Қырғыз Республикасы).

Алдағы күндері оқуға аттанатын студенттерге, оның ішінде Kastamonu University (Түркия) бағыты бойынша жолға шығатын білім алушыларға ерекше көңіл бөлінді. Халықаралық ынтымақтастық департаментінің өкілдері студенттерге сәтті оқу, жоғары академиялық нәтижелер, кәсіби және мәдени тұрғыда жаңа әсерлер тілеп, сондай-ақ Халықаралық инженерлік-технологиялық университетін шетелде лайықты таныстыруға сәттілік тіледі.

Сонымен қатар, академиялық ұтқырлық бағдарламасына қатысатын қалған студенттер бекітілген кестеге сәйкес келесі аптада қабылдаушы университеттерге аттанатыны атап өтілді.

Кездесу қорытындысында академиялық ұтқырлық бағдарламасына қатысу студенттердің кәсіби құзыреттерін дамытуға, халықаралық тәжірибесін кеңейтуге, мәдениетаралық диалогты нығайтуға және түлектердің жаһандық еңбек нарығындағы бәсекеге қабілеттілігін арттыруға ықпал ететіні атап өтілді.

Халықаралық ынтымақтастық департаменті METU студенттері үшін халықаралық білім алу мүмкіндіктерін кеңейту және академиялық ұтқырлық географиясын дамыту бағытындағы жұмысын белсенді түрде жалғастыруда.