«Инженериядағы Smart технологиялар»  кафедрасының студенттері елдің әртүрлі қалалары мен өңірлеріндегі мектептерге барып, оқушылармен тікелей кездесулер өткізуде. Олар мектеп жасындағы балаларға инженерлік, цифрлық және Smart-технологиялар саласы туралы айтып, университеттің оқу ерекшеліктерін таныстырады және өз тәжірибелерімен бөліседі.

Кездесулер барысында оқушылар университеттің білім беру бағдарламалары, инновациялық инфрақұрылымы және студенттер үшін ашық мүмкіндіктермен танысады: халықаралық байқауларға қатысу, тағылымдамалар, ғылыми жобалар және жетекші ғылыми орталықтармен ынтымақтастық. Студенттердің қатысуы оқушыларға мамандық пен болашақ мансап таңдауда практикалық кеңес алуға мүмкіндік береді.

Профориентациялық жұмыстың басты мақсаты — болашақ студенттерге өз қызығушылықтары мен еңбек нарығының сұраныстарына сәйкес оқу бағытын таңдауға, кәсіби перспективаларды дұрыс бағалауға және ғылым мен инженерлік салаға қызығушылықтарын арттыруға көмектесу.