Халықаралық технологиялық университетінде (METU) жастар арасындағы құқық бұзушылықтардың алдын алу тақырыбында ашық профилактикалық семинар өтті. Іс-шара студенттердің құқықтық сауаттылығын арттыруға, жауапты мінез-құлық қалыптастыруға және студенттік ортадағы құқыққа қайшы әрекеттердің алдын алуға бағытталды.Семинардың құрметті қонақтары:Алматы қаласы Бостандық ауданы прокуратурасының прокуроры Әділов Марат Әнуарұлы;

Бостандық ауданы Полиция басқармасының қоғамдық қауіпсіздік бөлімінің аға учаскелік полиция инспекторы, полиция капитаны Магзумова Динара Қойшыбайқызы.Семинарға METU студенттері белсенді қатысып, талқыланған мәселелерге жоғары қызығушылық танытты. Кездесу барысында мазмұнды диалог өтіп, өзекті сұрақтар қойылып, саналы пікірлер мен практикалық ұсыныстар айтылды.

Спикерлер жастардың өз болашағын саналы түрде қалыптастыруының, өз әрекеттеріне жеке жауапкершілікпен қарауының және ата-анасының сенімін ақтауының маңыздылығын атап өтті. Сонымен қатар буллингтің, нашақорлықтың және студенттер кездесуі мүмкін басқа да қауіптердің алдын алу мәселелеріне ерекше назар аударылды.Құқық қорғау органдарының өкілдері төмендегі мәселелерді жан-жақты түсіндірді: есірткі және психотроптық заттарды қолданудың жол берілмейтіндігі; физикалық және психологиялық денсаулыққа жауапкершілікпен қарау қажеттілігі; интернет-алаяқтардың қазіргі жұмыс тәсілдері және олардан қорғану жолдары;студенттер арасындағы бопсалау, буллинг және өзге де заңсыз қысым көрсетудің құқықтық салдары.Құқықтық бөлімде Қазақстан Республикасының қолданыстағы заңнамасының нормалары таныстырылды. Атап айтқанда:Қазақстан Республикасы Қылмыстық кодексінің 194-бабына (Бопсалау) сәйкес, күш қолдану немесе мәліметтерді таратамын деп қорқытып мүлікті талап ету қылмыстық жауапкершілікке әкеп соғады; ҚР ҚК 296-бабына (Өткізу мақсатынсыз есірткі құралдарымен заңсыз айналысу) сәйкес, есірткі заттарын сақтау және қолдану заңмен тыйым салынған; ҚР Әкімшілік құқық бұзушылық туралы кодексінің 73-3-бабына (Кәмелетке толмағанды буллинг (қудалау)) сәйкес, буллинг үшін әкімшілік жауапкершілік көзделген.Спикерлер қысым көрсету, бопсалау, есірткі тарату және алаяқтық схемаларға қатысудың кез келген түрі міндетті түрде заңдық жауапкершілікке әкелетінін ерекше атап өтті.Кездесу соңында ұйымдастырушылар METU-де құқықтық мәдениетті қалыптастыру және қауіпсіз білім беру ортасын нығайту мақсатында осындай профилактикалық іс-шараларды тұрақты түрде өткізу маңызды екенін айтты.METU студенттердің құқықтық сауаттылығын арттыру және қауіпсіз білім беру кеңістігін қалыптастыру бағытындағы жұмысты жүйелі түрде жалғастыруда.