2026 жылғы ақпанда кафедрада «6B07102 –  «Автоматтандыру және басқару» білім беру бағдарламасының Академиялық комитетінің отырысы өтті, оған жұмыс берушілер, сарапшылар және студенттер қатысты. Отырыстың барысында оқу жоспарын қазіргі кәсіби талаптар мен халықаралық стандарттарды ескере отырып өзектендіру мәселелері қаралды.

Кафедра меңгерушісі Бактыбаев М.К., бағдарлама сипаттамасын, академиялық құрам мен жетекші оқытушыларды таныстырып, студенттерге берілетін дағдылар мен болашақ мамандықтар туралы баяндады. Талқылауға студенттер, оқытушылар, индустрия өкілдері, соның ішінде академиялық комитет мүшесі, АСУ ТП ТОО басты инженері Сатов Е.М. қатысты.

Ассоциативті профессорлар мен индустрия сарапшылары теориялық білімді практикалық тәжірибемен ұштастырудың маңыздылығын атап өтті. Студенттер өндірістік практиканы кеңейту және заманауи автоматтандыру технологияларына қатысты пәндерді қосу ұсынысын жасады.

Қатысушылардың пікірінше, оқу жоспарын жаңарту студенттерді кәсіби қызметке дайындауда маңызды рөл атқарады. Барлық өзгерістер кезең-кезеңімен енгізіліп, университет, индустрия және студенттердің тығыз ынтымақтастығы арқылы жүзеге асырылатын болады.