Кафедраның аға оқытушысы Джумабекова Гульзира Шабаевна «Стандарттау және техникалық өлшеу» пәні бойынша «НАССР жүйесі» тақырыбында ашық сабақ өткізді.

Сабақ барысында студенттер үш топқа бөлінді.

1-тапсырма: Студенттерге технологиялық сұлбалар ұсынылып, сол сұлбалардағы сыни бақылау нүктелерін анықтау тапсырылды. Сонымен қатар, анықталған сыни бақылау нүктелеріне қатысты түзету шараларының жүзеге асырылу жолдары талқыланды.

2-тапсырма: Студенттер LearningApps бағдарламасында командалық ойын ойнады. Жинаған ұпайларының нәтижесі бойынша топтарға келесі бағалар берілді:

1-орын – 100 балл;

2-орын – 90 балл;

3-орын – 80 балл.

Ашық сабақ өте қызықты және мазмұнды өтті. Студенттер сабақ барысында көптеген пайдалы ақпарат алып, тәжірибелік тапсырмаларды орындау арқылы НАССР жүйесінің ерекшеліктерін тереңірек түсінді.