«Телекоммуникациядағы жаппай қызмет көрсету теориясы» пәні аясында лектор Аширбеков Б.А. «Екі буынды және көпбуынды коммутациялық жүйелер» тақырыбында ашық сабақ өткізді.

Сабақ барысында екі буынды және көпбуынды коммутациялық жүйелерді құру қағидалары, олардың құрылымы және қазіргі телекоммуникациялық желілердегі жұмыс істеу ерекшеліктері қарастырылды. Жүйелер жұмысының тиімділігі, коммутация процестерін оңтайландыру әдістері және деректерді берудің сенімділігін арттыру мәселелеріне ерекше назар аударылды.

Теориялық материал практикалық мысалдармен және типтік есептерді талдаумен толықтырылды, бұл студенттердің тақырыпты тереңірек түсінуіне ықпал етті. Білім алушылар белсенділік танытып, талқылауларға қатысып, қарастырылған тақырып бойынша сұрақтар қойды.

Ашық сабақ жақсы әдістемелік деңгейде өтті және білім беру процесінің заманауи талаптарына сәйкес келді.