Жастар саясаты департаменті мен Жастар ісі жөніндегі комитет «Заң және тәртіп» бастамасы аясында студенттермен кездесу ұйымдастырды.

Іс-шара ашық диалог форматында өтіп, оның барысында қатысушылар құқықтық мәдениет, жеке жауапкершілік және жастардың қауіпсіз әрі әділетті қоғам қалыптастырудағы рөлі туралы маңызды мәселелерді талқылады. Студенттер белсенді түрде сұрақтар қойып, өз пікірлерімен бөлісіп, құрдастары арасында құқықтық сауаттылықты арттыру бойынша ұсыныстарын айтты.

Кездесу аясында «Не книжная закладка» және «Хулиганка» атты әлеуметтік фильмдер көрсетіліп, олар көтерген өзекті мәселелер қатысушылар арасында қызу талқылауға себеп болды.

Жалпы, бұл кездесу студенттердің құқықтық сауаттылығын арттыруға, өз әрекеттеріне жауапкершілікпен қарауын қалыптастыруға және заң мен қоғамдық тәртіптің маңыздылығын тереңірек түсінуге ықпал етті.