Халықаралық инженерлік университетінде студенттер мен оқытушы Нуртуган Галымжан Бауыржанұлының қатысуымен сенбілік өтті.

Іс-шара аясында қатысушылар университет аумағын тазалау және абаттандыру жұмыстарын жүргізді. Студенттер белсенді түрде қатысып, қоқыс жинап, айналаны ретке келтіріп, таза әрі қолайлы білім беру ортасын қалыптастыруға өз үлестерін қосты.

Сенбілік тек экологиялық акция ғана емес, сонымен қатар студенттер мен оқытушылар арасындағы өзара байланысты нығайтуға мүмкіндік берді. Мұндай шаралар жауапкершілік, еңбекқорлық және қоршаған ортаға ұқыпты қарау қасиеттерін қалыптастыруға ықпал етеді.

Қатысушылар бірлескен еңбектің ұжымды біріктіріп, командалық рухты арттыратынын, сондай-ақ жастар арасында экологиялық мәдениеттің дамуына әсер ететінін атап өтті.

Осындай іс-шараларды университетте тұрақты түрде өткізу жоспарлануда.