Жастар саясаты департаменті мен Жастар ісі жөніндегі комитет «Заң мен тәртіп» бастамасы аясында студенттерге арналған кездесуді ұйымдастырды. Іс-шара ашық пікір алмасу форматында өтіп, қатысушылар құқықтық мәдениетті дамыту, жеке жауапкершілік және жастардың қоғамдағы қауіпсіздік пен әділеттілікті қалыптастырудағы рөлі сияқты маңызды тақырыптарды талқылады. Студенттер белсенді түрде сұрақтар қойып, өз ой-пікірлерімен бөлісті және әріптестер арасында құқықтық білімді арттыруға арналған ұсыныстарын ортаға салды. Кездесу барысында «Не книжная закладка» және «Хулиганка» атты әлеуметтік тақырыптағы фильмдер көрсетіліп, олардың көтерген мәселелері студенттер арасында қызу пікірталас тудырды. Жалпы, шара студенттердің құқықтық санасын арттыруға, өз іс-әрекеттеріне жауапкершілікпен қарауға және заң мен қоғамдық тәртіптің маңыздылығын тереңірек түсінуге септігін тигізді.