2026 жылдың 14 сәуір айында «Биохимиялық инженерия» кафедрасында «Генетикалық түрлендірілген өнімдер және оларды Қазақстанда пайдалану перспективалары» тақырыбында мастер-класс өтті. Спикер ретінде биология ғылымдарының докторы, Ресей Федерациясының азық — түлік қауіпсіздігі жөніндегі Ұлттық Академиясының академигі Велямов Масимжан Турсынович сөз сөйледі.

Іс-шара барысында генетикалық түрлендірілген организмдерді құрудың заманауи тәсілдері, олардың азық-түлік қауіпсіздігін қамтамасыз етудегі рөлі, сондай-ақ оларды пайдаланудың ықтимал қауіптері мен артықшылықтары қарастырылды. Экологиялық, экономикалық және заңнамалық аспектілерді ескере отырып, Қазақстанда ГМО-өнімдерін енгізу перспективаларына ерекше назар аударылды.

Мастер-класс студенттер мен оқытушылар арасында үлкен қызығушылық тудырып, биотехнология саласындағы білімдерін кеңейтуге және аграрлық ғылымды дамытудың өзекті мәселелерін талқылауға мүмкіндік берді.