METU университетінде БҰҰ Бас хатшысының климаттың өзгеруі жөніндегі кеңесшісі, Климаттың өзгеруі жөніндегі үкіметаралық сарапшылар тобы (IPCC) құрамында Нобель бейбітшілік сыйлығының лауреаты Раэ Квон Чунгпен кездесу өтті.

METU-дағы сапары аясында ол студенттерге лекция оқып, жаһандық климаттық сын-қатерлер мен «жасыл экономика» болашағы туралы өз тәжірибесімен және көзқарасымен бөлісті.

METU әлемдік деңгейдегі сарапшыларды шақыруды жалғастырып, ашық диалог пен білім алмасуға арналған алаң қалыптастыруда.

Раэ Квон Чунг — жаһандық экологиялық күн тәртібінің бастауында тұрған тұлғалардың бірі: Рио-де-Жанейрода өткен Жер саммитіне қатысқан және «жасыл өсім» тұжырымдамасының тең авторы. Бұл тұжырымдаманың негізгі мәні — экономикалық дамуды табиғатпен тепе-теңдікте жүзеге асыру.

METU-дағы мұндай кездесулер — жай ғана лекция емес, студенттер үшін әлемнің болашағын қалыптастырып жатқан көшбасшылармен тікелей байланыс орнатуға мүмкіндік.