2025 жылғы 4 наурызда Халықаралық инженерлік-технологиялық университетінде «Қонақ үй шаруашылығы» пәні аясында «Қонақтарға арналған қонақ үй қызметтері» тақырыбында ашық сабақ өткізілді.

Сабақ белсенді оқыту әдістерін қолдану арқылы ұйымдастырылды. Сабақ барысында бизнес-туристер, демалушылар, отбасылық қонақтар, VIP-клиенттер және ерекше қажеттілігі бар қонақтарға қызмет көрсету ерекшеліктері қарастырылды.

Практикалық бөлім «Қонақ үй конструкторы» атты интерактивті ойын форматында өтіп, «Туризм» білім беру бағдарламасының студенттері әртүрлі клиент топтарының қажеттіліктерін ескере отырып қонақ үй тұжырымдамасын модельдеді. Бұл формат студенттердің талдау қабілетін және кәсіби ойлауын дамытуға, сондай-ақ теориялық білімді бекітуге ықпал етті.

Іс-шараға профессорлық-оқытушылық құрам қатысты.

Ашық сабақ білім беру үдерісінің сапасын арттыруға, студенттердің кәсіби құзыреттіліктерін дамытуға және тәжірибеге бағытталған оқытуды күшейтуге бағытталған.