2026 жылдың 17 ақпанында кафедрада «6В05101 – Биотехнология» білім беру бағдарламасын жетілдіруге арналған отырыс өтті.

Талқылауға жұмыс берушілердің өкілдері қатысты: биология ғылымдарының кандидаты, Микробиология және вирусология ғылыми-өндірістік орталығының жетекші ғылыми қызметкері Салтанат Эмильевна Оразымбет; PhD, Микробиология және вирусология ғылыми-өндірістік орталығы директорының өндіріс жөніндегі орынбасары Жанар Шадибековна Жұмаділова; инфекцияға қарсы препараттар ғылыми орталығының иммунология зертханасының меңгерушісі Тамара Абдуллаевна Бөкеева, сондай-ақ профессор-кафедраның оқытушылар құрамы және білім беру бағдарламасының студенттері.

Отырыс барысында биотехнологияны дамытудың заманауи үрдістерін, биомедициналық ғылым жетістіктерін және жұмыс берушілердің қажеттіліктерін ескере отырып, білім беру бағдарламасының оқу жоспарын өзектендіру бойынша ұсыныстар қаралды.

Талқылау қорытындысы бойынша бірқатар оқу пәндерін жаңарту туралы шешім қабылданды:

·«Тамақ химиясы» пәні «Физикалық және коллоидтық химия» дегенге ауыстырылсын;

· «Биотехнологияның заманауи әдістері» пәні «Биостатистика» деп ауыстырылсын;

· «Сүт және сүт өнімдерінің биотехнологиясы» пәні «Иммунобиологияға» ауыстырылсын;

· «Ет және ет өнімдерінің биотехнологиясы» пәні «Биотехнологиядағы графикалық модельдеуге» ауыстырылсын.

Енгізілген өзгерістер білім алушылардың іргелі, биомедициналық және цифрлық даярлығын күшейтуге, деректерді талдау, биотехнологиялық процестерді модельдеу және биотехнологияда заманауи зерттеу әдістерін қолдану саласындағы құзыреттерді дамытуға бағытталған.

Жұмыс берушілердің өкілдері ғылымның, технологияның және биотехнологиялық өндірістің қазіргі даму тенденцияларына сәйкес білім беру бағдарламасының мазмұнын үнемі жаңартып отырудың маңыздылығын атап өтті. Олардың пікірінше, жаңа пәндерді енгізу студенттерге ғылыми-зерттеу ұйымдарында, биотехнологиялық кәсіпорындарда және инновациялық зертханаларда табысты кәсіби қызмет үшін қажетті өзекті білім мен практикалық дағдыларды алуға мүмкіндік береді, сондай-ақ түлектердің еңбек нарығындағы бәсекеге қабілеттілігін арттырады.