21 қыркүйек 2026 жылы Халықаралық инженерлік-технологиялық университетінде METU Media Studio орталығының ресми ашылу рәсімі өтті.

Жаңа студияның ашылу салтанатында лентаны Халықаралық инженерлік-технологиялық университетінің ректоры Ақпанбетов Дархан Берікұлы және «EdMedia Group» медиатехнологиялық компаниясының директоры Олжас Өмірсерік қиды.

METU Media Studio – университеттің білім беру және ақпараттық контентін жаңа деңгейде дамытуға бағытталған заманауи мультимедиялық кеңістік. Студия университет оқытушыларына дәрістерді, бейнесабақтарды, онлайн курстарды және басқа да цифрлық оқу материалдарын кәсіби деңгейде дайындауға мүмкіндік береді.

Студияның негізгі мүмкіндіктері

METU Media Studio заманауи бейне және аудио контент өндіруге қажетті техникалық құралдармен жабдықталған.

Студия мүмкіндіктері:

·         Green Screen технологиясы арқылы виртуалды фондармен бейнесабақтар мен презентациялық материалдар жасау;

·         кәсіби жарықтандыру жүйесін пайдалану арқылы сапалы бейне түсірілім жүргізу;

·         сапалы дыбыс жазуға арналған микрофондық жабдықтарды пайдалану;

·         телесуфлер арқылы оқытушының мәтінмен жұмысын жеңілдету және кадрдағы сөйлеу сапасын арттыру;

·         бірнеше монитор мен экран арқылы түсірілім процесін бақылау;

·         бейнедәрістер, онлайн сабақтар және вебинарлар дайындау;

·         ЖОАК және цифрлық білім беру курстарына арналған контент әзірлеу;

·         оқу-әдістемелік бейнематериалдар, презентациялар және ақпараттық роликтер түсіру;

·         университеттің білім беру бағдарламалары мен жобаларын таныстыратын бейнеконтент әзірлеу.

Білім берудің цифрлық форматын дамыту

METU Media Studio жұмысы университеттің цифрлық білім беру инфрақұрылымын дамытуға және оқытушылардың заманауи мультимедиялық құралдарды оқу процесінде тиімді пайдалануына бағытталған.

Студия базасында оқытушылардың авторлық бейнесабақтарын, пәндер бойынша онлайн курстарды, ЖОАК курстарын, оқу-әдістемелік материалдарды және білім алушыларға арналған қосымша цифрлық контентті әзірлеуге жағдай жасалды.

Жаңа студия университеттің білім беру контентін біріздендіруге, оның сапасын арттыруға және білім алушыларға ақпаратты көрнекі, интерактивті әрі заманауи форматта ұсынуға мүмкіндік береді.

METU Media Studio – білім беру, цифрлық технология және шығармашылық мүмкіндіктерді біріктіретін жаңа университеттік алаң.

Ашылу рәсіміне университет басшылығы, оқытушылар және қызметкерлер қатысып, жаңа студияның техникалық мүмкіндіктерімен танысты.