2026 жылғы 26 қыркүйекте Халықаралық инженерлік-технологиялық университет (METU) MIA Education білім беру орталығының базасында өткен жоғары оқу орындары көрмесіне қатысты.

Іс-шара барысында METU өкілдері мектеп оқушылары мен болашақ талапкерлерге университеттің білім беру бағдарламалары, оқуға түсу шарттары, гранттар мен жеңілдіктер, сондай-ақ студенттерге ұсынылатын білім беру және кәсіби мүмкіндіктер туралы ақпарат ұсынды.

Көрме болашақ талапкерлер үшін жоғары оқу орындарының өкілдерімен тікелей байланыс орнатуға, қызықтырған сұрақтарына жауап алуға, білім беру бағдарламалары туралы толығырақ білуге және оқуға түсу бойынша жеке кеңес алуға мүмкіндік беретін тиімді алаң болды.

METU өкілдері университеттің негізгі білім беру бағыттарын таныстырып, студенттердің білім алуы, кәсіби дамуы және болашақ мансабын қалыптастыру үшін ұсынылатын мүмкіндіктер туралы айтып берді.

Осындай білім беру іс-шараларына қатысу METU-дың кәсіптік бағдар беру жұмысын дамытуға, болашақ талапкерлермен байланысты нығайтуға және жастардың жоғары білім алу мүмкіндіктері туралы хабардарлығын арттыруға ықпал етеді.

           Автор: Мусақызы Ж.