30 қазан, жұма күні METU университетінде ағылшын тілін, шығармашылықты және студенттік таланттарды тоғыстырған English Week 2026 апталығының қорытынды іс-шарасы өтті. Әртүрлі білім беру бағыттарының студенттерін біріктірген кездесу ағылшын тілінің оқу пәні ғана емес, қарым-қатынас жасаудың, өз ойын жеткізудің, сыни ойлау мен кәсіби дамудың маңызды құралы екенін көрсетті. Бағдарлама түрлі интерактивті форматтарды қамтыды. «METU студентінің бір күні» және «Университеттік өмірдің қиындықтары» тақырыптарындағы бейнепрезентацияларда студенттер өз тәжірибелерімен бөлісіп, университеттік өмірді шынайы оқиғалар мен күнделікті жағдайлар арқылы таныстырды. «Онлайн оқыту дәстүрлі оқытудан тиімді» және «Студенттік жатақханада тұрғаннан гөрі үйден қатынап оқыған дұрыс» тақырыптарындағы пікірсайыстар қызу талқылауға ұласты. Қатысушылар дәлелдер келтіріп, түрлі көзқарастарды саралады, өз ұстанымдарын сенімді жеткізіп, пікірталас барысында бір-біріне құрмет көрсетті. Студенттер «Қазақстанды танып-білу», «Менің мамандығым үшін ағылшын тілінің маңызы», «METU университеті», «Менің университетім 2030 жылы» және басқа да тақырыптарда PowerPoint презентацияларын ұсынды. Жұмыстар жастардың шығармашылық қабілеттерін, академиялық қызығушылықтарын, мақсаттары мен болашаққа көзқарастарын танытты. Бағдарламаның мазмұнды бөліктерінің бірі - белгілі қазақ және орыс ғалымдары мен ойшылдарының тағылымды сөздерін таныстыру болды. Бұл ағылшын тілін үйренуді өңірдің бай мәдени және зияткерлік мұрасымен сабақтастыруға мүмкіндік берді.

Студенттер үшін қорытынды іс-шара көпшілік алдында сөйлеуге, командада жұмыс істеуге, қобалжуды жеңіп, өз ойын еркін жеткізуге мүмкіндік берді. «Ағылшын тілін үйренуде ең бастысы - мінсіз сөйлеу емес, өзгелермен қарым-қатынас жасауға, идеяларыңмен бөлісуге және ортақ тіл табысуға деген сенімділік. Қорытынды кездесу қатысушыларға өз жетістіктерін сезінуге және іс-шараның өтуіне үлес қосқан баршаға алғыс білдіруге мүмкіндік берді. Ол ағылшын тілінің оқулықтар мен аудиторияларда ғана емес, біздің идеяларымызда, тәжірибемізде, мақсаттарымызда және бір-бірімізбен қарым-қатынасымызда да көрініс табатынын көрсетті.

Ағылшын тілі — өміріміздің бір бөлігі. Әркімнің үні маңызды!