Главная Студентам Студенческие новости METU студенттері үшін Түркиядағы тәжірбие
02 Желтоқсан 2024                  1941
METU студенттері үшін Түркиядағы тәжірбие

Халықаралық инженерлік технологиялық университеті (METU) студенттеріне арналған жазғы тәжірибелік бағдарлама.

Жыл сайын METU университетінің студенттері Түркия елінде ұйымдастырылатын жазғы тәжірибе бағдарламасына қатысып, ерекше мүмкіндіктерге ие болады. Бұл бағдарлама студенттердің кәсіби және тұлғалық дамуына бірегей жағдай жасайды:

1. Қонақжайлылық және туризм саласындағы тәжірибе

Студенттер Түркияның танымал курорттық аймақтарындағы беделді қонақ үйлерде жұмыс істеу мүмкіндігіне ие болады. Бұл тәжірибе барысында олар:

  • Қонақ үй бизнесінің құрылымымен танысады;
  • Қызмет көрсету мен менеджмент саласында тәжірибе жинайды;
  • Қонақтармен қарым-қатынас жасау және клиенттерге қызмет көрсету дағдыларын меңгереді.

2. Тілдік дағдыларды жетілдіру

Студенттер Түрік және ағылшын тілдерін күнделікті қарым-қатынаста белсенді қолдану арқылы:

  • Шет тілдерін меңгеру деңгейін арттырады;
  • Халықаралық коммуникацияға машықтанады.
    Бұл қабілеттер оларға болашақ мансабында үлкен артықшылық береді.

3. Демалыс пен табыс табу

Бағдарлама барысында студенттер:

  • Түркияның әсем табиғатымен таныса отырып, жан-жақты демала алады;
  • Айына 800-1000 АҚШ долларына дейін табыс тауып, қаржылық жағдайын жақсартады.